自言自語

上一篇〔單身〕，我還不知道是否在這段自由的日子，可以和妳過些戀人的生活。

結果…

今天，在沒有約定的情況下，妳上了我家吃早餐。

我們也第一次在白天…

在梳化上…

感覺好特別。

當然，每一次和妳這樣，都是很甜很舒服的經歷。

總是在想，如果我們都是那麼自由多好。

今晚，是一個奇妙的晚上。

公司有歡送會，受人敬重的人要走了，每個人都蘊釀著微妙的情緒。酒，也不知不覺地多飲。

我也不例外…

終於，我也醉倒了。

打算和妳吃點東西才回家，頭卻重得不能抬起來。

最後，決定上新屋休息。而妳，也為了照顧我而一起上去。

窗外燈光微弱，室內漆黑一片。只有我倆二人的環境。

接近凌晨的時份…

那一刻，靠在牆上，我緊緊擁抱妳…

結果，在沒有預計的情況下，我們又激烈又甜蜜地在一起。

這一晚，好特別。

妳都知，我每次同妳纏綿之後，都會成日諗返，回味成個星期。

原因好簡單－－－妳實在太吸引！

妳嘅性感，妳嘅品味，妳嘅身段，妳嘅反應，妳對我嘅柔情…仲有妳啲佻皮嘢。

但係，喺呢幾樣已經好吸引我嘅嘢以外，仲有一樣…就係同妳一齊嗰種溫馨嘅氣氛。

而今次，就特別明顯。

例如：

妳喺梳化度瞓低，頭挨喺我大脾度傾偈，我輕輕撫摸妳啲頭髮…

妳著住我件恤衫，坐喺梳化度，一路食嘢一路睇電視…

妳著住我件恤衫，走咗埋鏡度，我喺後面攬住妳，頭挨喺妳膊頭…妳話，我件衫都唔係大好多，然後，我叫妳比我睇下…

我話，有啲姿勢，係表示睡覺…例如妳挨喺我膊頭，腳踏住我腳…其實，我真係好想咁樣同妳瞓一場覺咖

每次諗起所有呢啲情景，又會想對住妳喇。

４月４日。

轉眼間，妳闖進我生命已經兩年。

雖然，我唔係同妳一齊生活，但呢兩年同妳經歷嘅所有嘢，同埋對妳嘅認知，我知道，假如我有幸同妳喺埋一齊，會幾咁幸福同開心。

妳最愛整潔，我亦會做下家務。

妳鍾意整下嘢食，我都會煲湯同煮嘢比妳食。

妳唔鍾意成日屈喺屋企，我會車妳周圍行下。

妳渴望有個舒適嘅睡房，我買唔起…但我可以間中同妳去酒店，休息下輕鬆下。

我又識得令到妳好舒服好滿足而唔會淨係顧住自己，而且同妳好合拍。

妳鍾意食好嘢，我雖然唔算，但又會帶妳試下新餐廳。

妳鍾意去日本，我又好鍾意，我仲會plan好咗帶妳去玩…或者跟妳去玩。

妳鍾意shopping買衫，我會陪妳同幫妳眼(或者制止妳(∩_∩)), 或者靜靜買嚟送比妳。

妳有時會發脾氣或者忟憎，但我會温和咁勸妳或者比妳鬧下。

我工作忙，但唔係工作狂，點都會抽時間陪妳…

我覺得，我同妳好夾。如果唔係，妳同我都唔會變成熱戀。而且，仲去到咁親密。

希望，妳唔好成日諗啲負面嘢。多啲諗，有一個傻佬係真心真意鍾意妳咖，同完全被妳吸引咖。

從來冇一個女仔，好似妳對我咁好。

妳令我知道，妳好錫我，好重視我。

隨便舉幾個例子：

妳上次答我，原來妳買衫仔嘅時候，妳係會諗，傻佬應該會鍾意呢個款。

當個個女仔都忙於同靚仔影相嘅時候，妳就繼續留喺我身邊陪我。

我叫妳比我錫嘅時候，妳真係會比我錫，結果攪到我係咁抖大氣。

我頭痛，妳就即刻話放工去買黑糖…

傻妹，好多謝妳。

好鍾意聽妳對我講嘅甜言蜜語，多謝妳成日氹我！

「我而家著咗…」「上定下?」「上面呀！」
「我愛你」
「同你做…好舒服」
「點解今朝遲咗出門口嘅？」「真係想知？因為…綁帶綁耐咗囉」
「聽晚先講呀，而家仲講，我怕你…」
「呀，唔講公事呀」
「咁嘛益晒你囉」
「咁得你喺我側邊之嘛」
「你呀, 嗰時…係咁錫我…」
「我愛…傻佬」
「其他人揾你就要排隊，我就唔使」
「想要你」「妳如果想要，我會乜都比晒妳，妳話"想傾偈"嘛得囉)」
「我尋日好想揾你呀，又揾唔到」
「然後呢？」「咁跟住呢？」
「條褲仔靚唔靚呀？喺日本買咖，第一次著咖」
「慢慢嚟，唔好咁心急啦」
「兩樣都咁舒服」
「聽晚…我怕…你頂唔順喎」
「咦，你背脊都幾滑喎」

冇諗過，會有一個女仔對我咁好。

會特登著我鍾意嘅衫同褲仔比我睇，仲做返同一個慢動作嚟吸引我。

又會親口同我講「我愛你」，同埋…

「同你做…好舒服」。

然後，妳我都合上眼，喺沒有真正緊密接觸嘅情況下，都得到咗最大滿足。

妳仲要係好溫柔好體貼咁服侍我。

自從妳放輕鬆咗對住我，覺得同妳愈來愈合拍。

而且，我好鍾意同妳眼神接觸。

喺妳眼神入面，我見到妳對我嘅柔情。

妳知唔知，如果當中冇咗「深愛對方」嘅成份，就算咁樣一齊，又點會咁舒服咁合拍？（咁講好似有啲氹細路女咁，不過係我真心說話）

今晚仲有一樣開心事，就係中段嘅時候，可以對住妳講出心入面嘅諗法同感覺。

所以，愈來愈鍾意咁樣對住妳喇。

情人節，我沒有花也沒有禮物給妳。

晚上，也沒有資格陪妳吃飯。

唯一做到的，只是早起一小時，到妳那裡陪妳坐巴士上班。

作為妳男朋友，我沒有做甚麼令妳快樂的事。

只是早上在妳耳邊說一聲：「I Love You」。

不過，我是衷心的。

好喜歡妳的回應：輕吻我一下，然後說「我愛……傻佬」。

然後，下班後跟妳在電話中的甜蜜對話…

妳知嗎，我已經好滿足。

情人節我最想做甚麼？好想緊緊擁抱著妳，面貼著面，跟妳耳語，靜靜渡過一個晚上。

今晚，我會思念著妳。

去年今日，我並不知道今天是甚麼日子。

我只知道妳去ＴＳＴ吃飯。

而妳在吃完飯後，還故意找機會打電話給我。

那通電話，我們並沒有說些甚麼特別事情。

事後，當我知道了這個日子的特殊意義，而妳仍然打電話給我，我當然明白，妳心裡是多麼的重視我，記掛我。

這個日子，我並不能去改變，我只要知道，妳是多麼的喜歡我就夠了。

剛公幹返嚟，妳又病咗。

而我又剛好今日放假，幾經堅持，妳終於比我嚟探妳。

我飛跑去街市買料煲好粥就趕過嚟。

原先只係諗住攞粥比妳，同餵妳食藥就走…

但係妳見到我，就攬實我話尋日好想搵我…

於是，我就留低陪妳。後來，仲車妳去赤柱行下，等妳吸下新鮮空氣，唔使屈喺屋企。

後來送返妳返去，走咗又折返，比埋啲粥妳，幫妳洗碗。

雖然妳病，但我地都有擁吻。

妳仲話「想要你」，其實，我都好想要妳。但我只能夠話「等妳好返，妳出聲我就乜都比妳好冇？」

但係，妳幾時先會有時間同心情對住我，要我？

不過，今日真係好開心…可以煲粥妳食，同妳去赤柱，見妳…

星期五，諸事不順，情緒低落。

然後，妳特意入我房，關切地問我為甚麼不開心。

妳還跑去休息室，打電話給我替我打氣！

到下班，在電梯裡，妳還突然吻了我咀唇一下…

我來不及反應，只是呆呆地問：「妳搽咗潤唇膏呀？」

晚上，妳告訴我，見到我心情不好，妳是多麼的想陪我吃飯，和我說話，等我分散注意力。

妳對我的一切一切，令我覺得自己好幸福。

戀愛的喜悅與甜蜜…就是世上有一個妳會這樣地緊張我。

世上，也只有我能得到妳的一吻來開解！

當我對著妳的時候，總是能夠煩惱盡消，心情也會慢慢平靜下來…

傻妹，真的很多謝妳！

謝謝妳的愛。

上星期六，天氣好好，妳一醒咗，賴喺床度，就同我傾偈。

因為妳話唔想離開張被，我就話好想捐埋入被攬住妳瞓。

點知，妳係咁問我，咁之後呢？咁跟住呢？

咁我嘛諗返晒之前咁多次冚住被，攬住妳，錫妳…嗰啲片段囉。

妳知唔知，妳簡單幾句，對我嚟講已經好誘惑？

原本今晚book咗位同妳食意大利餐，諗住應下節。

點知下晝妳突然話想對住我…攪到我個心係咁跳。

結果，我地又過咗個好舒服嘅二人世界。

一個突如其來嘅纏綿。

估唔到，星期六講嘅情景，妳會主動去實現。

其間，妳啲佻皮嘢又出晒嚟…

妳又當我係浮床…

叫妳挨個頭喺我背脊…妳就成個人軋落嚟。

妳話好熱…妳香汗淋漓個樣，原來好性感。

當然，妳都有主動錫我，對我好…

冇事先約定，但都一樣咁温馨。

其實，有時我都想妳主動約我二人世界咖。

今個星期，好甜，好甜，好甜…

妳旅行返嚟，容光煥發…

而我地又日日都可以對住大家…

星期二同妳坐巴士，喺四圍都係乘客嘅情況下，妳仍然主動吻咗我一下。我知道，妳呢幾日都有掛住我。

星期三，我地過咗一個超級溫馨舒服嘅二人世界。

當妳話比我聽，妳特登買條褲仔著比我睇嗰時，我真係好感動。因為，雖然妳人在異地，都有想起我。

我地激情嘅時候舒服，睇返妳旅行相又溫馨，傾返上次我比妳整蠱嘅瘀事，又好攪笑…

星期四，有得請妳食午餐，食一個唔貴但有質素嘅牛扒…

喺妹妹面前，我地手搭住手，好甜蜜！

講到三人旅行嘅話題，講到我可以幫妳揀衫，妳又嫌我要求太高，一日都買唔到一件，咁樣打情罵俏，真係好開心。

下晝，又可以同妳閂埋房門傾偈…睇妳向我伸脷嘅佻皮樣…超開心。

夜晚，妳又比錢我，又請我食飯，真係好著數呀！

星期五，雖然放假，仍然可以去車妳，見妳一面。

同妳一齊，點解成日都咁甜，咁開心咖？

今晚，同妳一齊好開心。

比以往咁多次更開心，更激情，更舒服。

因為，妳好投入，亦都好錫我，不斷咁氹我，包括…

妳一開始就主動錫我，話我知特登買褲仔著比我睇，話比我聽妳好舒服，又好乖咁服侍我，攬到我好實…

仲有，好溫柔咁同我講「慢慢嚟啦，唔好咁心急」「兩樣都咁舒服」「我都好舒服呀」

仲有，用好迷人嘅眼神望住我，表情帶點性感嫵媚，帶點羞澀，又帶點滿足同享受…

同妳一齊嗰種舒服感覺，真係好難用筆墨嚟形容。

之前，我以為我已經見到妳最迷人嘅一面，已經感受過妳最大嘅威力同魅力…

但原來，當妳真係投入，肯將妳對我嘅愛表露出嚟嘅時候，妳嘅吸引力，可以再提升幾百倍。

有時，我都想讚下自己，面對住妳咁大嘅誘惑，我都可以堅持自己只係想妳舒服嘅原則。

傻妹，想話妳知，妳真係好吸引好吸引呀。

周末不眠不休，終於在凌晨兩點把工作做完。

星期一可以休息一天，和妳約會。

這兩天工作得天昏地暗…支撐我的，就是星期一的約會。

和妳吃了個悠閒午餐，又和妳逛街購物。

到最後，妳大有收獲，我也成功送了兩件衫給妳。

在午餐的地方，妳會擁抱著我，拖著我手，甚至…

認真地吻我的面，唇，和舌尖。

我發覺，只有在沒有人的地方，妳才會表露出對我的熱情。

難怪，我那麼喜歡和妳到沒有其他人的地方了。

好喜歡妳抱著我和吻我！

連續的長時間工作，有點心力交瘁。

幸好，有妳給我的支持。

無論是陪我度過一晚，和我吃晚飯，陪我吃個簡單早餐…甚至，好溫柔地問我要不要渴湯…

還有，耐心聆聽我「吐苦水」…

好多時，會覺得，除了不是和妳住在一起之外，總覺得和妳的相處，我們已是「一對」。

多謝妳。

當初識妳，只係諗，點解我咁好彩，會遇到一個咁好嘅女仔。

溫柔，細心，體貼，賢淑，靚女。

喺我眼中，妳係一個好吸引嘅女仔。所以，我成日話，周街都有人望妳。

當時，冇諗過我地會去到咁親密。

但係，最近兩次，我發覺到，原來妳嘅魅力同吸引力，係比想像中超出好多好多。

妳會好體貼咁為我而著性感嘅內衣，妳有好多好誘惑嘅小動作同反應，妳會好佻皮咁同我調情。

「呀，唔好嬲呀，錫返啖補數呀」

「咁…不如…我幫你呀…」

「我第一次著咖咋」

「我而家…同你做緊乜嘢呀？」(當我話妒忌有人掂妳塊面嗰時)

「嗯…比８５分你呀！」

「你呀，仲乜頭先咁錫人…」

「唔准望呀」

妳會攬得我好實…

妳會話比我聽妳舒服。

其實，我真係好享受同妳咁樣，因為，妳比咗好大信心我，令我知道，原來我真係可以令妳舒服嘅。

多謝妳。

正在看的一本小說，有一個情節：

女孩子和一個男生相睇之後，對他一見鍾情。

當男生第二次約會她，約她郊遊，順道參觀他位於郊外的別墅…

女生就非常重視…重視到，連內衣都要全換上新的…因為…可能…

看到這樣的情節，又想起妳為我做的種種。

妳為我而去買新內衣，還緊張地問我好不好看，喜不喜歡…

「你鍾唔鍾意嗰日件衫呀？」「真係？」「最鍾意？」

一個女孩子連這些細節也想到…

妳的溫柔，妳的細心，妳的體貼…加上妳的性感與美麗…

試問，我又怎可抵擋得住？

我真的沒法用文字來形容，當我見到妳刻意為我而穿的衫時，我是多麼的震撼！

如果妳是女間諜，我想，我會任妳擺佈，而沒法守得住任何機密（笑）。

當妳問我：「點解要鍾意我？」

我又再次由我倆相識開始講起。

或者妳唔相信…

而家諗返，我始終認為，當日第一次見到妳，我可能已經被妳吸引咗。

但係，妳入到嚟，對我好冷漠，只係一個冰山美人。

當然，我亦都唔可能一見到妳就好鍾意妳。但係，隨住愈來愈知道有關妳嘅嘢，對妳嘅愛就與日俱增。

但係，我一直都覺得，只會係我單戀妳。

妳又點會睇得上我呀？

我亦冇打算話比妳聽。

到我終於忍唔住，我發覺，原來妳都好似對我有啲好感…

於是…

其實，兩個人要相愛，除咗要有緣喺茫茫人海中遇上之外，仲要有太多太多因素同條件…

所以，無論結果會係點都好，我都會好珍惜同妳呢份情。

我知道，一生人之中，唔會有咁多次幸運。

妳知道今日係七月七日，中國情人節嗎？

呢一日，妳我又終於可以喺埋一齊。

唔使理會任何人，可以同妳相擁，親吻，纏綿，面貼面傾私密嘅話題。

足足等咗兩個月，先有呢個可以同妳單獨相處嘅機會。

同以往一樣，妳做咗好多氹我嘅嘢…

包括著我鍾意睇嘅衫。

包括話比我聽妳都舒服。

包括…同我講：「我好鍾意你呀」。

每次同妳咁樣，都感覺好甜，好滿足。

妳，已經將我迷倒。